Viltu senda okkur efni á vefinn? Pistil, kveðju, viðtal, myndir...
Þetta netfang er varið fyrir ruslrafpósti, þú þarft að hafa Javascript virkt til að skoða það
Þriðjudaginn 7. september s.l. afhentu Húsfreyjur á Vatnsnesi fjallskilastjórn Vatnsnesi 45 endurskinsvesti sem munu vonandi koma sér vel í göngum framundan, en smalað verður á Vatnsnesi 11. september n.k. Á myndinni eru tvær stjórnarkonur Húsfreyjanna, Kristín Jóhannesdóttir og Gudrun Kloes, með vestin, en Loftur Guðjónsson á Ásbjarnarstöðum tók á móti þeim fyrir hönd fjallskilastjórnar.
Dagana 18. og 19. september verður mikið fjör í Austur Húnavatnssýslu, stóðsmölun á Laxárdal og réttir í Skrapatungurétt og er þetta í tuttugasta skipti sem gestum er boðið að taka þátt í ævintýrinu. Verður ýmislegt til gamans gert í tilefni af þeim tímamótum.
Í dag var réttað í Miðfjarðarrétt. Ágætlega er talið hafa smalast af heiðinni og má gera ráð fyrir að fullorðin hross hafi verið rúmlega 300 stykki en ekki er vitað um hve margt sauðfé skilaði sér en það skiptir þúsundum samkvæmt upplýsingum réttarstjóra.
Nú er innan við mánuður í STÓÐRÉTTIR Í VÍÐIDAL. Eins og venjulega eru þær fyrsta laugardag í október. Föstudaginn 1. október verður stóðinu smalað til byggða og 2. október verður réttað í VÍÐIDALSTUNGURÉTT. Fjöldi efnilegra unghrossa.
Minnisvarði um Guðmund Bergþórsson, rímnaskáld, hefur verið settur upp að Stöpum á Vatnsnesi. Guðmundur var uppi á árunum 1657-1705 og var eitt af mikilvirkustu rímnaskáldum allra tíma.
Í tilefni væntanlegs stórafmælis boðar Rannsókna- og fræðasetur Háskóla Íslands á Norðurlandi vestra til málþings í Bjarmanesi á Skagaströnd, sunnudaginn 12. september 2010 kl. 13:00-16:30.
