 Kötturinn sleginn úr tunnunni Öskudagurinn vekur oft mikla kátínu, sér í lagi hjá yngra fólkinu. Það er oft á tíðum spennt að fá að klæða sig upp og rölta syngjandi um bæinn í þeirri von að fá ef til vill eitthvað að launum. Í dag hélt Leikskólinn Ásgarður daginn hátíðlegan og mátti sjá bæði börn og starfsfólk í hinum ýmsu dulargervum bregða fyrir.
 Ísinn borðaður með bestu lyst Dagskrá Öskudagsins á Ásgarði er eilítið frábrugðin hinni hefðbundnu dagskrá. Guligarður Víðihlíð fór í rútuferð til Hvammstanga til að halda daginn hátíðlegan í Ásgarði, en þar var skemmtun og ball fyrir hádegi. Í upphafi skemmtunarinnar er sest í hring og fá alir tækifæri til að slá köttinn úr tunnunni, en inní sjálfri tunnunni er leikfangaköttur og í þetta sinnið pez sem foreldrafélagið gaf og allir fengu. Síðan er tekið við að dansa og er þá bæði frjáls dans og skipulagður, eins og Supermann, Hókí, pókí, Fyrst á réttunni svo á röngunni og Höfuð herðar hné og tær, svo eitthvað sé nefnt. Eftir að börnin höfðu lokið við hádegisverðinn þá fengu allir íspinna sem Fæðingarorlofssjóður gaf til.  Nemendur í ýmsum gervum Aðspurð segist Guðrún Lára Magnúsdóttir, leikskólastjóri, ekki geta merkt hver vinsælasti búningurinn í ár sé. Stelpurnar hafa margar hverjar valið litaglaða prinsessukjóla með vængjum en svo má t.d. einnig sjá kanínur, Mjallhvít og Sollu stirðu. Einnig er mikill fjölbreytileiki hjá piltunum, allt frá skjaldböku, blettatígrum, sjóræningjum til kúreka. Guðrún segist ekki finna mikinn mun á þessum degi hjá Ásgarði milli ára. Hún segist þó sjálf merkja mun frá sinni æsku, ”Ég var í búning, saumaði öskupoka, seldi merki fyrir Rauða krossinn og safnaði öskupokum og hengdi á aðra. Það var mjög spennandi hvort það tækist án þess að fólk yrði vart við. Ég kynntist því ekki að slá köttinn úr tunnunni, en nemendum finnst það skemmtilegur siður og það er um að gera að gera það sem þau gleðjast yfir.” |
