Í gær voru þrjú ár liðin frá því að Björgunarsveitin Húnar varð til.  Það var s.s þann 24.febrúar 2007 að Flugbjörgunarsveiti V-Hún og BJörgunarsveitin Káraborg sameinuðust undir nafninu Björgunarsveitin Húnar. 

Markmið með sameiningu sveitanna var að stofna eina björgunarsveit í Húnaþingi-vestra, Bæjarhreppi og Strandarbyggð að Bitrufjarðarbotni sem væri betur í stakk búin en eldri sveitirnar  að takast á við þau verkefni, sem til kynnu að falla.

Björgunarstöðvar Húna eru tvær, Húnabúð sem stendur við Höfðabraut 30 á Hvammstanga og  Reykjaborg sem staðsett er rétt ofan við þorpið á Laugarbakka í Miðfirði.