Tveir sveittir

Þann 23.maí lögðu þeir sveittu upp í ferð til Bandaríkjanna.  Ætlunarverkið er að festa á filmu þar sem þeir fara á milli smábæja í Ameríku og kynna sér menningu þeirra.  Það eru Danni, Siggi og Halli myndatökumaður sem eru svona sveittir og  eru þeir allir frá Hvammstanga.

Þeir heimsækja ýmsa staði  í Ameríku, svo sem hafa þeir dvalið hjá Amish fólki og kynnt sér þeirra lífsstíl, stundað vínsmökkun í Bradstown í Kentucky og kynnt íslenskt Brennivín og harðfisk fyrir heimamönnum þar.

Þeir halda úti vefsíðu þar sem þeir blogga um hvað hefur á daga þeirra dregið. Á síðunni þeirra er líka hægt að nálgast myndir frá ferðinni, video blogg og kort þar sem sjá má hvar þeir hafa komið við. Þar er líka að finna kynningarmyndband fyrir verkefni þeirra.
Þeir koma heim 30.júní 2008