Gróska grænnar nýsköpunar nær nýjum hæðum á Siglufirði
Annað árið í röð komu allir helstu fjárfestar landsins saman á Siglufirði til fundar við frumkvöðla í auðlinda- orku- og umhverfismálum.
Fjárfestahátíð Norðanáttar var haldin í fyrsta skipti árið 2022 en þá var áherslan eingöngu á sprotaverkefni á Norðurlandi. Vegna þess hversu vel tókst til fyrir ári var ákveðið að stækka hátíðina verulega í ár og höfða til frumkvöðla og fjárfesta hvaðan æva að landinu.
Ef til vill er það til marks um gróskuna í grænni nýsköpun um allt land að viðbrögð fjárfesta og frumkvöðla voru slík að mun færri komust að en vildu. Uppselt var á hátíðina en um 150 gestir sóttu hátíðina að þessu sinni.
Yfir 30 verkefni sóttu um að vera á hátíðinni og var sérstök valnefnd fengin til að velja þau verkefni sem fengu að kynna fyrir forsvarfólk fjárfestingasjóða og sjálfstæðum fjárfestum. Í framhaldi fjárfestakynninga fór fram stefnumót frumkvöðla og fjárfesta og annarra lykilaðila í stuðningsumhverfi nýsköpunar á Íslandi. Það var samdóma álit gesta og þátttakenda að svona vettvangur sé gríðarlega mikilvægur fyrir verkefni í leit að fjárfestingum þar sem þarna gefst gott tækifæri til þess að mynda tengingar og eiga fyrsta skrefið í átt að framtíðar samvinnu.
Yggdrasill Carbon, Melta, Frostþurrkun, Skógarplöntur, GeoSilica, E1, Gull úr Grasi, Kaja Organic, Fiskeldið Haukamýri, Biopol, Gefn, IceWind og Vínland Vineyard voru þau verkefni sem komust að í ár auk þess sem Bambahús voru með í stefnumóti við fjárfesta.
“Ocean Gold”
Tengiliður: Halldór Gunnar Ólafsson
“e1 sameinar allar hleðslustöðvar í eitt app fyrir rafbílinn þinn!”
Tengiliður: Hafrún Þorvaldsdóttir
“Umhverfisvæn og sjálfbær hágæða framleiðsla”
Tengiliður: Pétur Bergmann Árnason
“Miðlægt frostþurrkunarver á Íslandi sem þjónustar fyrirtæki og framleiðir frostþurrkaðar afurðir úr íslenskum hráefnum”
Tengiliður: Hrafnhildur Árnadóttir
”Nýsköpun í grænni efnafræði”
Tengiliður: Vala Steinsdóttir
GeOSiliCa IcelAnD
“GeoSilica framleiðir hágæða steinefni úr íslensku jarðhitavatni með byltingarkenndri framleiðsluaðferð”
Tengiliður: Fida Abu Libdeh
GULL ÚR GRASI
”Tryggjum fóður og fæðuöryggi”
Tengiliður: Haukur Marteinsson
“Vindtúrbínur fyrir öfgafullt veðurfar á norðurslóðum”
Tengiliður: Sæþór Ásgeirsson
”Jurtamjólkur verksmiðja”
Tengiliður: Karen Jónsdóttir
“Ný closed-loop hringrásarþjónusta fyrir lífrænan heimilisúrgang* sveitarfélaga á landsbyggðunum og framleiðsla á Meltu: gerjuðum lífrænum áburði “
Tengiliður: Björk Brynjarsdóttir
SKÓGARPLÖNTUR
“Framleiðsla á skógarplöntum á nýjan hátt”
Tengiliður: Björn Líndal Traustason
“Vínrækt, víngerð, veitingarstaður og vínmeðferða Spa”
Tengiliður: Margrét Polly Hansen
“Yggdrasill Carbon þróar hágæða íslenskar vottaðar kolefniseiningar úr landnýtingarverkefnum”
Tengiliður: Björgvin Stefán Pétursson
Sjáðu fleiri myndir frá Fjárfestahátíð Norðanáttar hér.
Að Norðanátt standa EIMUR, SSNE, SSNV og RATA með stuðningi frá Umhverfis-, orku- og loftslagsráðuneytinu.
Bakhjarlar Fjárfestahátíðar Norðanáttar 2023 eru KPMG, KEA og REGUS á Íslandi.